აუტსაიდერმა „სელტამ“ მადრიდში პატარა სასწაული მოახდინა, ლიდერ „რეალს“ 2:2 ეთამაშა და მნიშვნელოვანი ქულები დააკარგვინა.

ვერ ვიტყვით, რომ სტუმრებს გაუმართლათ, მათ თამაშით მიაღწიეს ამ შედეგს. უკვე დასაწყისშივე, მე-7 წუთზე მასპინძელთა დაცვა ჩავარდა, რუსი დებიუტანტი ფიოდორ სმოლოვი მეკარესთან პირისპირ დარჩა და გატანა არ გასჭირვებია. ტაიმი ისე მიიწურა, რომ მასპიძლებს ხეირიანი მომენტიც არ ჰქონიათ. ოსკარ გარსიას შეგირდები კი განსწავლულად იცავდნენ თავს და მეორე ბურთის გატანაც შეეძლოთ, თუმცა ჯოზეფ აიდუს ძალან სახიფათო თავური ტიბო კურტუამ მოიგერია.

შესვენების შემდეგ „რეალი“ გააქტიურდა და კარგი მონაკვეთი ჩაატარა. ორი ბურთი ხომ გაიტანა და ერთიც მსაჯმა არ ჩათვალა რამოსის თამაშგარეში ყოფნის გამო. თავი ჯერ ტონი კროოსმა გამოიჩინა, შემდეგ კი ედენ აზარის წაქცევისთვის დანიშნული პენალტი კაპიტანმა რამოსმა ზუსტად დაარტყა.

მერე თამაში გათანაბრდა და სტუმრებმა მაინც შეძლეს ერთი საპასუხო ბურთის გატანა. გოლი სანტი მინას ანგარიშზეა.

ამრიგად, „რეალსა“ და „ბარსელონას“ შორის სხვაობა მხოლოდ ერთი ქულაღაა. „სამეფო კლუბი“ კვლავ ლიდერია, მაგრამ ვითარება ძალიან დაიძაბა.

ესპანეთი

პრიმერა. 24 ტური. 16 თებერვალი

რეალი - სელტა 2:2

მადრიდი. „სანტიაგო ბერნაბეუ.“ 62 477

0:1 სმოლოვი (7), 1:1 კროოსი (52), 2:1 რამოსი (65 პენ), 2:2 მინა (85)

რეალი: კურტუა, რამოსი, ვარანი, მარსელო, კარვახალი, კაზემირო, ვალვერდე, კროოსი (მოდრიჩი 81), აზარი (ვინისიუსი 73), ბეილი (მენდი 84), ბენზემა

მწვრთნელი: ზინედინ ზიდანი

სელტა: ბლანკო, ვასკესი (სისტო 55), აიდუ, არაუხო, მურილიო, ოლასა, ბრადარიჩი (მინა 83), იოკუშლუ, რაფინია, ასპასი, სმოლოვი (დენის სუარესი 70)

მწვრთნელი: ოსკარ გარსია

მსაჯი: ალბეროლა როხასი

გაფრთხილება: ბეილი (72), კარვახალი (74); ოლასა (57), იოკუშლუ (76)

სევილია - ესპანიოლი 2:2

სევილია. „რამონ სანჩეს პისხუანი.“ 35 661

1:0 ოკამპოსი (15), 1:1 ემბარბა (35), 1:2 ლეი (50), 2:2 სუსო (80)

სევილია: ვაცლიკი, ნავასი, გომესი, კარლოსი, რეგილონი (გუდელი 54), ბანეგა (დე იონგი 65), ვასკესი (ნოლიტო 46), ფერნანდო, სუსო, ენ ნასირი, ოკამპოსი

მწვრთნელი: ხულენ ლოპეტეგი

ესპანიოლი: დიეგო ლოპესი, პედროსა, კაბრერა, ბერნარდო, ხავი ლოპესი, ემბარბა (კალერო 74), როკა, სანჩესი, დარდერი, კალიერი (ფერერირა 82), ლეი (გომესი 71)

მწვრთნელი: აბელარდო

მსაჯი: კორდერო ვეგა

გაფრთხილება: გომესი (33), გუდელი (58); ლეი (38), სანჩესი (49), როკა (84)

გაძევება: სანჩესი (69)

ლეგანესი - ბეტისი 0:0

გაძევება: იგლესიასი (90+3, ბეტისი)

ბილბაო - ოსასუნა 0:1

0:1 ოიერი (29)

ეიბარი - სოსიედადი (გადაიდო)