ჭიდაობა

20:27 | 14.02.2020 | ნანახია [] - ჯერ

მირზა სხულუხია ბრინჯაოსთვის იჭიდავებს

იტალიის დედაქალაქ რომში მიმდინარე ევროპის ჩემპიონატზე თავისუფალ ჭიდაობაში მირზა სხულუხია ნახევარფინალში გავიდა, მაგრამ ფინალს ვერ შესწვდა.

70 კგ წონით კატეგორიაში სხულუხიამ ჯერ ლიეტუველი არტემ აუგა ადვილად, 6:0 დაამარცხა, ხოლო შემდეგ იტალიელი ჯანლუკა ტალამოს 6:2 აჯობა და ნახევარფინალში ასპარეზობის უფლება ასე მოიპოვა.

ფინალში გადასასვლელ შეხვედრაში ჩვენებური ფალავანი პოლონეთის სახელით მოასპარეზე მაგომედმურად გაჯიევს გაეჯიბრა და დაძაბულ ბრძოლაში 1:4 დამარცხდა. ბოლო წამებამდე ჩამორჩენა ერთქულიანი იყო, მაგრამ კონტრშეტევაში ორი ქულა მიიღო და საბოლოოდ 1:4 წააგო.

ამრიგად, მირზა ბრინჯაოს მედლისთვის გავა ხალიჩაზე. დღეს კი, საქართველოს კიდევ ერთი ნახევარფინალისტი ჰყავს. 97 კგ წონით კატეგორიაში ელიზბარ ოდიკაძე რუს აბდულრაშიდ სადულაევს დაუპირისპირდება.

0.118753