არგენტინის ეროვნული ნაკრების მთავარმა მწვრთნელმა ხერარდო მარტინომ განაცხადა, რომ ტურინის \"იუვენტუსის\" თავდამსხმელ კარლოს ტევესს ნაკრებში დაბრუნების შანსი აქვს.
\"ორი-სამი წელია ტევესისადმი განსაკუთრებული ყურადღებაა მიპყრობილი. ამ დროისთვის მინდა საქმეში სხვა ფეხბურთელები ვნახო და თუ კარლოსი ასე თამაშს გააგრძელებს შესაძლოა ნაკრებში გამოვიძახო\", - განაცხადა არგენტინელმა სპეციალისტმა.
კარლოს ტევესს \"ალბისელესტეს\" რიგებში 2011 წლის შემდეგ არ უთამაშია. მიმდინარე სეზონში თავდამსხმელმა \"იუვენტუსის\" მაისურით 6 შეხვედრა ჩაატარა, გაიტანა 6 გოლი და ერთი საგოლე გადაცემაც შეასრულა.
