ფეხბურთი

10:25 | 10.02.2020 | ნანახია [] - ჯერ

ანტონიო კონტე: "ახლა სკუდეტოზე ოცნება შეგვიძლია"

მილანის „ინტერის“ მთავარმა მწვრთნელმა ანტონიო კონტემ „დერბი დელა მადონინაში“ წარმოუდგენელი ქამ-ბექის შემდეგ ისაუბრა. იტალიელმა სპეციალისტმა აღნიშნა, რომ სკუდეტოზე საუბარი ჯერ ადრეა და ახლა მასზე მხოლოდ ოცნება შეუძლიათ.

„ეს განსაკუთრებული საღამო იყო, რადგან პირველ ტაიმში დიდი სირთულეები გავიართე, ალბათ როგორც არასდროს მიმდინარე სეზონში, წაგების რისკის ქვეშ დავდექით. ამასთან, კარგად შევაფასეთ სიტუაცია და გავიაზრეთ რაში უნდა მოგვემატებინა.

სკუდეტო? ძალიან ადრეა იმაზე საუბარი, რაზეც დღეს ოცნება შეგვიძლია. მომდევნო ათი თამაში გვიჩვენებს ყველაფერს და უფრო მეტს იტყვის ჩვენს პოტენციალზე. ამას ნამდვილად დრო და მოთმინება სჭირდება. ახლა თასზე „ნაპოლისთან“ და ჩემპიონატში „ლაციოსთან“ მატჩები გველოდება“, - თქვა კონტემ.

შეგახსენებთ, სერია A-ს 54-54 ქულით „ინტერი“ და „იუვენტუსი“ ლიდერობენ, რომელთაც „ლაციო“ ერთი ქულით ჩამორჩება.

0.115472