საქართველოს ძალოსნობის ეროვნული ფედერაცია ლაშა ტალახაძის ირგვლივ ბოლო დროს განივთარებულ მოვლენებს სპეციალური განცხადებით გამოეხმაურა, რომელსაც უცვლელად გთავაზობთ:
ვეხმაურებით ბოლო დღეებში განვითარებულ მოვლენებს.
მოგეხსენებათ, რომ რამდენიმე დღის წინ საქართველოს 2019 წლის საუკეთესო სპორტსმენებს საქართველოს პრემიერმა გიორგი გახარიამ უმასპინძლა, რაც მიღებული პრაქტიკაა. ყოველთვის, ნებისმიერი მმართველობის დროს ყველა ქვეყნის მთავრობა სპორტსმენებს ხვდება და ასე მოხდა ამჯერადაც. ქართველი წარმატებული სპორტსმენები პრემიერთან იმყოფებოდნენ ტრადიციულ შეხვედრაზე, სადაც სამახსოვრო ფოტოებიც გადაიღეს და მათ შორის იყო ჩვენი ოლიმპიური, მსოფლიოსა და ევროპის ჩემპიონი, მრავალგზის რეკორდსმენი და მსოფლიოს საუკეთესო ძალოსანი ლაშა ტალახაძეც. სამწუხაროდ, საქართველოს მთავრობის ფეისბუქ გვერდზე გავრცელებულმა სპორტსმენთა ფოტომ საზოგადოების ნაწილის უარყოფითი რეაქცია გამოიწვია. კაცობრიობამ სპორტი შექმნა მსოფლიო ერების დასაახლოებლად და ადამიანების გასაერთიანებლად. სპორტი მშვიდობის სიმბოლოა დედამიწაზე. სპორტული ოლიმპიადები, ფესტივალები და ჩემპიონატები მნიშვნელოვანია ქვეყნის მიერ საკუთარი ძალების და ნიჭიერების წარმოსაჩენად მშვიდობიანი ფორმით. ნებისმიერი სახელმწიფო და ქვეყნის ლიდერი პატივს მიაგებს საკუთარ გამოჩენილ სპორტსმენს თუ ადამიანს, რომელიც სამშობლოს სახელს მსოფლიო ასპარეზზე გაიტანს. საქართველოს წარმატებულ ჩემპიონებთან პრემიერის შეხვედრა ნიშნავს იმას, რომ მათ საქმიანობას სახელმწიფო აღიარებს. ამიტომ პოლიტიკურ ძალებს მოვუწოდებთ, ნუ აქცევენ ჩვენი ქვეყნის სიამაყეს, პლანეტის უძლიერეს ძალოსანს პოლიტიკური თამაშების სამიზნედ. დიდი მადლობა ჩვენი ძალოსნების გულშემატკივრებს, თქვენი მხარდაჭერა უდიდესი სტიმული და მოტივაციაა მომავალი გამარჯვებებისთვის, რომელსაც მალე ტოკიოს 2020 წლის ოლიმპიურ თამაშებზე ვიზეიმებთ.
საქართველოს ძალოსნობის ეროვნული ფედერაციის პრეზიდენტი კახი კახიაშვილი
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
ერთ დროს კლუბი ინახავდა მესის ნეიმარს სუარესს რომელთაც ძალიან დიდი ხელფასი ქონდათ,ხოდა იმათი ხელფასები თუ არ იყო სხვა ფეხბურთელების რეგისტრაციისთვის პრობლემა ეხლა რაღატომაა პრობლემა?გასაგებია მაშინ შემოსავლებიც მეტი ქონდათ და როგორც ვიცი შემოსავლების 70 პროცენტს არ უნდა ცდებოდეს ფეხბურთელთა ხელფასები,ანუ უნდა ჩაჯდე 70 პროცენტიან ლიმიტში.ხოდა ასე როგორ დააზარალა კორონამ ბარსელონა,ანუ ასე როგორ დაუგდო შემოსავლები რომ ამათაც ვეღარ არეგისტრირებენ როცა ამათ ყველას ერთად არ აქვთ იმდენი ხელფასი რაც მსნ-ს და ხავიესტას ქონდათ.ასევე გასათვალისწინებელია ისიც რომ არცერთ სხვა კლუბს იგივე პრობლემა არ აქვს.მოკლედ ბართომეუმ ყველანაირად გააქრო კლუბი.არც ისაა გამორიცხული ლაპორტა რომ სიაფანტობდეს კოუტინიოების და ასეთების მოსაშორებლად რომელთაც დიდი ხელფასი აქვთ და არაფერს აკეთებენ