კატალონიის „ბარსელონაში“ როგორც ჩანს, განხეთქილებაა. კატალონურ გამოცემა Sport-თან კლუბის სპორტულმა დირექტორმა ერიკ აბიდალმა ერნესტო ვალვერდეს დათხვოვნის მიზეზებზე ისაუბრა.

ფრანგმა განაცხადა, რომ ვალვერდესთან მუშაობით ფეხბურთელები კმაყოფილნი არ იყვნენ და ამიტომ, სამსახურიდან დაითხოვეს. აბიდალის განცხადებას კი, ლიონელ მესი საკუთარ ინსტაგრამში გამოეხმაურა და ყოფილი თანაგუნდელი საჯაროდ გააკრიტიკა.

„ბევრი მოთამაშე არ იყო კმაყოფილი და ამიტომ, ფეხბურთელები ბევრს არ მუშაობდნენ“, - თქვა აბიდალმა.

ფრანგის ამ განაცხადებას ლიონელ მესი ინსტაგრამ სთორით გამოეხმაურა:

„გულწრფელად ვამბობ, რომ არ მომწონს ასეთი რაღაცის გაკეთება, მაგრამ ვფიქრობ, ყველა უნდა იყოს პასუხისმგებელი საკუთარ მოვალეობებზე და პასუხისმგებლობა დაეკისროთ თავიანთ საქმეზე. ფეხბურთელები პასუხისმგებელნი არიან იმაზე, რაც მოედანზე ხდება და ჩვენ პირველები ვართ, რომლებიც ვაღიარებთ შეცდომებს, როდესაც კარგად ვერ ვთამაშობთ. ასევე, ხელმძღვანელებმაც უნდა აიღონ პასუხისმგებლობა მათ მიერ მიღებულ გადაწყვეტილებებზე. და ბოლოს, ვფიქრობ, როდესაც ვსაუბრობთ ფეხბურთელებზე, მაშინ სახელებიც ღიად უნდა დავასახელოთ, რადგან წინააღმდეგ შემთხვევაში გულისხმობთ ყველას, სვრით ტალახში და ვრცელდება ჭორები, რომლებიც არ შეესაბამება სიმართლეს“, - დაწერა მესიმ.