ფეხბურთი

3:10 | 28.01.2020 | ნანახია [] - ჯერ

Lega "მილანს" ბრაიანტის ხსოვნის საპატივცემულოდ შავი სამკლავურით თამაშის უფლებას არ აძლევს

იტალიური „მილანი“ კობი ბრაიანტის ხსოვნის საპატივცემულოდ იტალიის თასზე „ტორინოსთან“ თამაშს შავი სამკლავურებით და მატჩის დაწყებას კი წუთიერი დუმილით აპირებს. თუმცა, სერია A-ს ხელმძღვანელობამ, იგივე LEGA-მ ამის ნება შესაძლოა არ დართოს.

Sky Sport-ის ინფორმაციით, LEGA ეწინააღმდეგება „მილანის“ შავი სამკლავურებით თამაშს და შეხვედრის წუთიერი დუმილით გახსნას. ხსენებული გადაწყვეტილების მოტივი იტალიური ფეხბურთის ბოსების მხრიდან უცნობია.

მაგრამ, ჯერჯერობით ინფორმაცია ოფიციალურად არ დადასტურებულა და შესაძლოა, „როსონერიმ“ დასახულ მიზანს მაინც მიაღწიოს.

კობი ბრაიანტს ფეხბურთისადმი დიდი ლტოლვა არასდროს დაუმალავს. 41 წლის ამერიკელის საყვარელი საფეხბურთო კლუბი კი, სწორედ „მილანი“, იყო, რომელიც ჯერ კიდევ იტალიაში ცხოვრების დროს, როგორც ადრე თავად განაცხადა, ჰოლანდიური ტრიოს, ფრენკ რაიკაარდის, მარკო ვან ბასტენისა და რუუდ გულიტის გამო შეიყვრა.

0.129279