ფეხბურთი

15:57 | 20.01.2020 | ნანახია [] - ჯერ

სეტიენმა "ბარსელონას" ხელი უკვე დაატყო

კიკე სეტიენის ხელი კატალონიის „ბარსელონას“ უკვე დაეტყო. „გრანადას“ (1:0) მოგებულ მატჩში „ბლაუგრანას“ ბურთის ფლობის 82.6% მაჩვენებელი ჰქონდა, რაც 2011 წლის შემდეგ ყველაზე მაღალი შედეგია.

ამ კუთხით რეკორდი პეპ გვარდიოლას „ბარსელონას“ ეკუთვნის, როდესაც 2011 წელს კატალონური გუნდი „რასინგთან“ ბურთს 84%-ით აკონტროლებდა.

გარდა ამისა, გუშინ „ბარსამ“ 1005 პასი გააკეთა. ასეთი ფაქტი კატალონურ გუნდში 2005-2006 წლების სეზონის შემდეგ მხოლოდ ორჯერ იყო დაფიქსირებული: 2011 წლის მაისში პეპ გვარდიოლას გუნდმა „ლევანტესთან“ გადააბიჯა 1000 პასს, ხოლო 2012 წლის ნოემბერში ტიტო ვილანოვას ფორმაციის გუნდმა.

მიუხედავად შთამბეჭდავი ციფრებისა, „ბარსელონას“ „გრანადას“ ძლევა მაინც საკმაოდ გაუჭირდა და გამარჯვების გოლი ლიონელ მესიმ 75-ე წუთზე გაიტანა.

0.118211