თურქული „ბაშაკშეჰირის“ თავდამსხმელი დემბა ბა მიიჩნევს, რომ „ოქროს ბურთს“ ლიონელ მესიზე მეტად სადიო მანე იმსახურება. სენეგალელი ფეხბურთელის განცხადებით, მის თანამემამულეს წარმოუდგენელი სეზონი ჰქონდა.

„დღეს ჩვენ ბევრს ვსაუბრობთ სტატისტიკაზე. დარწმუნებული ვარ, რომ სადიოს ჰქონდა ინდივიდუალური გუნდური სტატისტიკა ისეთი, რომ „ოქროს ბურთი“ მოეგო. ყოველთვის ვამბობ, რომ მანეს სტატისტიკა მესისთვის რომ გაგვეცვალა, გამარჯვებას მაინც მესი მოიპოვებდა, თუნდაც ნაკლები გოლით.

მანემ ჩემპიონთა ლიგა, ევროპის სუპერთასი მოიგო, პრემიერლიგაში საოცარი სეზონი ჰქონდა, ყოველთვის გადამწყვეტ გოლებს იტანდა და არამხოლოდ ეს. დაუჯერებელია. დარწმუნებული ვარ, მესიზე მეტად იმსახურებდა „ოქროს ბურთს“. ბევრ ფეხბურთელთან ვსაუბრობ და ამას ყველა აღიარებს. რა თქმა უნდა, როგორც ფეხბურთელი მესი უკეთესია, ეს ყველამ იცის, მაგრამ 2019 წელი სადიოს უკეთესი ჰქონდა“, - თქვა დემბა ბამ.

შეგახსენებთ, რომ „ოქროს ბურთი“ მესიმ კარიერაში მეექსვედ მოიგო, ხოლო მანე მეოთხე ადგილზე გავიდა.