ფეხბურთი

16:31 | 15.01.2020 | ნანახია [] - ჯერ

ნოიერი შესაძლოა ზაფხულში "იუვენტუსში" გადავიდეს

მანუელ ნოერისა და მიუნხენის „ბაიერნის“ ურთიერთობა შესაძლოა ზაფხულში დასრულდეს. France Football-ის ინფორმაციით, გერმანელი მეკარე უკმაყოფილოა იმით, რომ ზაფხულში გუნდს ალექსანდერ ნიუბელი შეუერთდება.

„ბაიერნმა“ „შალკედან“ ახალგაზრდა კიპერის ტრანსფერი უკვე დაადასტურა და პარალელურად, ნოიერსაც 2023 წლამდე კონტრაქტის გახანგრძლივება შესთავაზა, მაგრამ მანუელი ჯერჯერობით ფიქრობს. მისი მოქმედი ხელშეკრულება ძალაში 2021 წლამდეა.

გავლენიანი ფრანგული გამოცემა წერს, რომ თუ ნოიერი „ბაიერნის“ დატოვების გადაწყვეტილებას მიიღებს, მისი ხელში ჩაგდების მთავარი კანდიდატი ტურინის „იუვენტუსი“ იქნება.

დიდი ალბათობით, გერმანელი მეკარის მიუნხენში დარჩენა-არდარჩენის საკითხი ორ ფაქტორზე იქნება დამოკიდებული: ვინ იქნება მთავარი მწვრთნელი და ნიუბელის მომავალი, გაანათხოვრებს თუ არა „რეკორდმაისტერი“ ზაფხულში.

0.167695