ერნესტო ვალვერდე გუშინ კატალონიის „ბარსელონადან“ დაითხოვეს და ესპანელი სპეციალისტი ყოფილ გუნდს სპეციალური წერილით დაემშვიდობა.
„ძვირფასო გულშემატკივრებო, ჩემი დრო „ბარსელონას“ მწვრთნელის რანგში მოაიწურა. გავიდა ორ წელიწადნახევარი. ამ პერიოდის განმავლობაში ვისიამოვნე დადებითი მომენტებით, ტიტულების ზეიმით, მაგრამ იყო რთული მომენტებიც. პირველ რიგში მინდა ხაზი გავუსვა ჩემს გამოცდილებას ქომაგებთან, რომლებმაც ჩემი მუშაობის პერიოდში სიყვარული გამოავლინეს.
მადლობას ვუხდი ხოსეპ ბართომეუს და დირექტორთა საბჭოს, რომ მომცეს საშუალება გამეწვრთნა მსოფლიოს საუკეთესო გუნდი და ნდობისთვის მთელი ამ დროის განმავლობაში. აქვე მინდა მადლობა გადავუხადო ყველა იმ ადამიანს, ვისთანაც ვმუშაობდი კლუბში. რა თქმა უნდა, მადლობა უნდა გადავუხადო ფეხბურთელებს ყველა მცდელებისთვის, რამაც მომცა საშუალება მომეგო ოთხი ტიტული. წარმატებებს ვუსურვებ გუნდს ახალ მთავარ მწვრთნელ კიკე სეტიენს“, - დაწერა ვალვერდემ.
შეგახსენებთ, რომ ვალვერდე „ბარსელონაში“ 2017 წლიდან მუშაობდა და ამ პერიოდში ოთხი ტიტული მოიგო. ორჯერ ესპანეთის ჩემპიონატი, თითოჯერ თასი და სუპერთასი.
