„მანჩესტერ სიტის“ მთავარ მწვრთნელ პეპ გვარდიოლას ჟურნალისტმა ჰკითხა, მიიჩნევს თუ არა სერხიო აგუეროს საუკეთესო 9 ნომრად (ცენტრფორვარდად). ესპანელმა სპეციალისტმა კი, საინტერესო პასუხი გასცა:

„საუკეთესო ლეო მესია. ის საუკეთესო 9 ნომერია, 10, 11, 7, 6, 5, 4... თუმცა, სერხიო ნამდვილად არის ერთ-ერთი საუკეთესო. ბევრჯერ მითქვამს, რომ ის მოკვდება გოლების გულისთვის“, - განაცხადა გვარდიოლამ.

შეგახსენებთ, რომ აგუერომ „ასტონ ვილასთან“ ჰეთ-თრიქი შეასრულა, ტიერი ანრის გადაასწრო და ლეგიონერებში პრემიერლიგის ისტორიაში 177 გოლით საუკეთესო გოლეადორი გახდა.