ინგლისის ასოციაციის თასზე „მანჩესტერ სიტიმ“ ქვედალიგელი „პორტ ვეილი“ 4:1 დაამარცხა და სტუმართა რიგებში ერთადერთი გოლი ტომ პოუპმა გაიტანა. ტომი 7 თვის წინ ტვიტერიდან "ქალაქელთა" მცველ ჯონ სტოუნსს აკრიტიკებდა და ამბობდა, რომ მის წინააღმდეგ მუდმივად რომ უწევდეს თამაში, სეზონში 40 გოლს გაიტანდა.

„ახლახან ინგლისის ნაკრების თამაში ვნახე. ვიცი, რომ მე ლიგა 2-ის ფეხბურთელი ვარ, ვიცი, რო ის ინგლისის ნაკრებში თამაშობს, ვიცი, რომ კვირაში 150 გირვანქა სტერლინგს გამოიმუშავებს, ვიცი, რომ ჩემზე მილიონჯერ უკეთესი ფეხბურთელია, მაგრამ დიდი სიამოვნებით ვითამაშებდი ჯონ სტოუნსის წინააღმდეგ ყოველ კვირას! სეზონში 40 გოლს გავიტანდი!“, - წერდა პოუპი.

ტომ პოუპს ჯონ სტოუნსის წინააღმდეგ თამაში ზემოხსენებული პოსტიდან 7 თვის შემდეგ მოუწია და საკუთარი სიტყვები დაადასტურა. „პორტ ვეილის“ ერთადერთი გოლი თავით მარჯვენა ფლანგიდან ჩაწოდების შემდეგ გაიტანა, ის სწორედ სტოუნსს უნდა შეეჩერებინა, მაგრამ ინგლისელმა მცველმა ეს ვერ მოახერხა.