გერმანული „დორტმუნდის“ ნახევარმცველი იულიან ვაიგლი კარიერას ლისაბონის „ბენფიკაში“ გააგრძელებს. აღნიშნული ინფორმაცია „ყვითლების“ ვებგვერდმა ოფიციალურად დაადასტურა.

არაოფიციალური ინფორმაციით, ტრანსფერის ღირებულებამ 20 მილიონი ევრო შეადგინა, ხოლო პირადი კონტრაქტის დეტალები უცნობია.

ვაიგლი „დორტმუნდს“ 2015 წელს „მიუნხე 1860“-დან შეუერთდა და გერმანული გუნდის მაისურით ჩატარებულ 143 მატჩში 3 გოლის გატანა მოახერხა.