ფეხბურთი

19:33 | 23.12.2019 | ნანახია [] - ჯერ

ხვიჩა კვარაცხელია შესაძლოა "ლოკომოტივში" დაბრუნდეს

ყაზანის „რუბინის“ ქართველი შემტევი ხვიჩა კვარაცხელია შესაძლოა მოსკოვის „ლოკომოტივში“ დაბრუნდეს. რუსული მედიის ცნობით, „რკინიგზელები“ მზად არიან ჩვენებურის სატრანსფერო უფლებები 600 ათას ევროდ გამოისყიდონ.

აღსანიშნავია, რომ თავად კვარაცხელიაც მზადაა „ლოკომოტივის“ რიგებს დაუბრუნდეს და არაა გამორიცხული ტრანსფერი უკვე იანვარშივე შედგეს.

მოგეხსენებათ, ხვიჩამ გასული სეზონის მეორე ნახევარი სწორედ „რკინიგზელთა“ რიგებში გაატარა, თუმცა, ზაფხულში გუნდი დატოვა, რამაც სკანდალი გამოიწვია და „რუბინს“ მიაშურა.

ყაზანურ გუნდში კვარაცხელიამ დღემდე 17 თამაში ჩაატარა, 2 გოლი გაიტანა (ერთი სწორედ „ლოკომოტივის“ კარში) და 1 საგოლე პასი შეასრულა.

0.115021