ფეხბურთი

18:43 | 17.12.2019 | ნანახია [] - ჯერ

ზიდანი: "მსაჯს მშვიდად საქმის კეთების საშუალება უნდა მივცეთ"

მადრიდის „რეალის“ მთავარმა მწვრთნელმა ზინედინ ზიდანმა „ბარსელონასთან“ მატჩამდე პრესკონფერენცია გამართა. ფრანგი სპეციალისტის განცხადებით, მისი გუნდი კარგ ფორმაშია და კმაყოფილია გუნდის მიერ ნაჩვენები თამაშით.

„ჩვენი გუნდი შესანიშნავ ფორმაშია, ბოლო პერიოდში კარგად ვთამაშობთ და კმაყოფილი ვარ იმით, რასაც ვაკეთებთ.

ერთ სასტუმროში ცხოვრება? წესი წესია. თუ ასე თქვეს, ე.ი ასეც უნდა იყოს, ჩვენ არ გვჭირდება რამის ახსნა. მთავარია, რომ უნდა ვითამაშოთ. არ ვფიქრობთ, რომ მატჩი ისევ გადაიდება. მოხარული ვართ, რომ ასეთი რანგის თამაშის ნაწილი ვართ. მახსოვს ის შეგრძნებები, როდესაც მე თვითონ ვთამაშობდი „ელ კლასიკოში“.

მსაჯი? მშვიდად უნდა იყოს და მშვიდად მუშაობის საშუალება უნდა მივცეთ. ფედერიკო ვალვერდეს პროგრესი? დიახ, თავს ძალიან კარგად გრძნობს და ამტკიცებს, რომ იმსახურებს ისეთ გუნდში თამაშს, როგორიც „რეალია“. ითამაშებს თუ არა ხვალ? ყველანი ორიენტირებულნი ვართ ხვალინდელ თამაშზე და მოგვიანებით მივიღებ გადაწყვეტილებას როგორი იქნება ძირითადი შემადგენლობა“,- თქვა ზიდანმა.

შეგახსენებთ, რომ „ბარსელონა“ – „რეალის“ მატჩი 18 დეკემბერს, თბილისის დროით 23:00 საათზე გაიმართება.

0.114925