"ლივერპულის" თავკაცი იურგენ კლოპი პრემიერლიგის ნოემბრის თვის საუკეთესო მწვრთნელად დაასახელეს. აღნიშნული ინფორმაცია ინგლისის ჩემპიონატის ოფიციალურმა ვებგვერდმა გაავრცელა. კლოპი მიმდინარე სეზონში აგვისტოსა და სექტემბერშიც გახდა საუკეთესო დამრიგებელი.

ნოემბერში "მერსისაიდელებმა" პრემიერლიგაში ოთხი შეხვედრა ჩაატარეს და ოთხივე მოიგეს, მათ შორის ერთ-ერთიმატჩი უშუალო კონურენტ "მანჩესტერ სიტისთან" გამართეს და მეტოქე 3:1 დაამარცხეს. "ლივერპული" ჩემპიონატში 46 ქულით პირველ ადგილზეა და მეორეადგილოსან "ლესტერს" რვა ქულით უსწრებს.