რუსეთს მომდევნო ოთხი წლის განმავლობაში საერთაშორისო სპორტულ ღონისძიებებში მონაწილეობა ოფიციალურად აეკრძალა. მსოფლიოს დოპინგის საწინააღმდეგო სააგენტოს (WADA) მიერ გამოტანილი განაჩენი ყველა მნიშვნელოვან სპორტულ ღონისძიებაზე გავრცელდება.

ეს ნიშნავს, რომ რუსეთის დროშა და ჰიმნი არ დაიშვება ისეთ შეჯიბრებებში, როგორებიც ტოკიოს 2020 წლის ოლიმპიური თამაშები და ფიფას 2022 წლის მსოფლიო ჩემპიონატია ფეხბურთში.

თუმცა, უნდა ითქვა ისიც, რომ რუსი სპორტსმენები, რომლებიც შეძლებენ დამტკიცებას, რომ დოპინგის სკანდალთან კავშირი არ აქვთ, უფლება ექნებათ მონაწილეობა შეჯიბრებებში ნეიტრალური დროშის ქვეშ მიიღონ.

WADA-მ ერთსულოვანი გადაწყვეტილება დღეს შვეიცარიის ქალაქ ლოზანაში გამართულ შეხვედრაზე მიიღო. რუსეთს კი, გადაწყვეტილების გასაჩივრებისთვის 21 დღე აქვს და თუ ეს მოხდება საქმე სპორტის საარბიტრაჟო სასამართლოს (Cas) გადაეცემა.

ბოლოსკენ იმასაც გეტყვით, რომ აკრძალვის მიუხედავად, რუსეთის საფეხბურთო ნაკრები ევრო 2020-ზე მონაწილეობას მიიღებს, რომლის ერთ-ერთი მასპინძელი სანქტ-პეტერბურგია. მიზეზი ისაა, რომ ევროპული ფეხბურთის მმართველი უწყება, უეფა არ არის განსაზღვრული, როგორც „მთავარი ღონისძიების ორგანიზაცია“.