ფეხბურთი

22:40 | 8.12.2019 | ნანახია [] - ჯერ

ჯეიმი ვარდის და "ლესტერის" დაუჯერებელი სეზონი

ინგლისის პრემიერლიგაში „ლესტერ სიტი“ დიდეუბლად ასპარეზობს და ამ დროისთვის იმაზე უკეთესი შედეგი აქვს (38 ქულა), ვიდრე ტრიუმფალურ, 2015-2016 წლების სეზონში ჰქონდა 16 ტურის შემდეგ, როდესაც ჩემპიონი გახდა.

„მელიების“ პრობლემა ახლა მხოლოდ ისაა, რომ „ლივერპული“ უბრალოდ ქულებს არ კარგავს და 8-ქულიანი ჰანდიკაპით ლიდერია. თავის მხრივ, „ლესტერი“ უახლოეს მდევარ „მანჩესტერ სიტის“ უკვე 6 ქულით სჯაბნის.

ბრენდან როჯერსის გუნდის უპირობო ლიდერი ჯეიმი ვარდია, რომელიც პრემიერლიგის ბომბარდირთა დავას 16 გოლით სათავეში უდგას. „ასტონ ვილასთან“ (4:1) მოგებულ მატჩში „ლესტერმა“ და ვარდიმ რამდენიმე მიღწევა დააფიქსირეს.

8 - ჯეიმი ვარდიმ პრემიერლიგის ზედიზედ 8 მატჩში გაიტანა და 2015 წლის ნოემბერის შემდეგ პირველ ფეხბურთელია, რომელმაც მსგავს შედეგს უწია. საინტერესოა, რომ მაშინაც თავად მოახერხა უკეთესი მაჩვენებლის დაფიქსირება - გოლი ზედიზედ 11 მატჩში.

2 - ჯეიმი ვარდი პრემიერლიგის არსებობის ისტორიაში მეორე ფეხბურთელი გახდა, რომელმაც მიჯრით რვა თამაშში გოლის გატანა ორჯერ მოახერხა. პირველად ეს რუუდ ვან ნისტელროიმ შეძლო 2002 და 2003 წლებში ორგზის, ხოლო ახლა ვარდიმ 2015 და 2019 წლებში.

25 - მას შემდეგ, რაც „ლესტერმა“ ბრენდან როჯერსის თავკაცობით პირველი თამაში ჩაატარა (მიმდინარე წლის 3 მარტიდან), ვარდიმ 25 გოლი გაიტანა პრემიერლიგაში. 8 გოლით მეტი, ვიდრე სხვა დანარჩენმა ფეხბურთელებმა.

1 - „ლესტერ სიტიმ“ პრემიერლიგაში თავის ისტორიაში ზედიზედ რვა გამარჯვება მოიპოვა, რაც მისთვის სარეკორდო სერიაა.

0.119288