"მანჩესტერ იუნაიტედის" მთავარმა მწვრთნელმა ულე გუნარ სულშერმა "მანჩესტერ სიტისთან" მოგებული (2:1) პრემიერლიგის მე-16 ტურის მატჩის შემდეგ განაცხადა, რომ მისი გუნდი შეტევების დროს ძალიან სახიფათო იყო და ამას "იუნაიტედი" მსოფლიოს საუკეთესო გუნდთან ახერხებდა.
"ეს მატჩი გვემახსოვრება - მსოფლიოს საუკეთესო გუნდთან თამაშის დროს, როდესაც ბურთს ვიჭერდით და შეტევაზე გადავდიოდით ძალიან სახიფათოდ გამოვიყურებოდით. "სიტი" წარმოუდგენელი გუნდია და ჩვენ კი ამ გუნდთან შეტევაში და დაცვაში კარგად ვითამაშეთ. მეტოქეს შეუძლია თამაში მოკლას, მაგრამ ჩვენ ამის საშუალება არ მივეცით." - განუცხადა BBC Sports-ს სულშერმა.
აღნიშნული მატჩის მოგების შემდეგ "მანჩესტერ იუნაიტედმა" 24 ქულა დააგროვა და მეხუთე ადგილზე დროებით გადავიდა. ჩემპიონტა ლიგის ზონაში მყოფ "ჩელსის" "წითელი ეშმაკები" ხუთი ქულით ჩამორჩებიან, პირველადგილოსან "ლივერპულს" კი - 22 ქულით.
