გიორგი ჩაკვეტაძე დაბრუნდა! „გენტის“ ქართველმა ნახევარმცველმა ბელგიის იუპილერ ლიგის მე-18 ტურში „ზულტე-ვარეგემთან“ ითამაშა და ეს ჩვენებურის პირველი მატჩი იყო 21 აპრილის შემდეგ.

გიორგი თამაშში 76-ე წუთზე სვენ კუმსის ნაცვლად ჩაერთო და ცხადია, ჯერ იდეალური ფორმისგან შორსაა, მაგრამ ცალსახად, ჩინებული სიგნალია მისი დაბრუნება.

მოედანზე სხვა ქართველებიც იყვნენ: გიორგი ქვილითაიამ ბოლო 5 წუთი ითამაშა, ხოლო „ვარეგემის“ რიგებში 46-ე წუთზე ჩაერთო თამაშში და 78-ე წუთზე შეცვალეს ლუკა ზარანდია.

„გენტმა“ კი მატჩის საწყის ნახევარ საათში გატანილი ორი გოლით მოიგო და სატურნირო ცხრილში 35 ქულით მეორე ადგილზეა, მხოლოდ „ბრიუგეს“ ჩამორჩება.