„ის სონალდოა“ - თქვა „ბარნლისთან“ მატჩის შემდეგ ჟოზე მოურინიომ სამხრეთ კორეელ შეგირდ ჰონ-მინ სონზე, რომელმაც ფანტასტიკური გოლი გაიტანა.
აზიელმა ლამის მთელი მოედანი დრიბლინგით დაფარა და ვინძლო, პრემიერლიგაში სეზონის საუკეთესო გოლის ავტორიც გახდა.
„ჩემი შვილი ამ გოლამდეც სონს სონალდოს ეძახდა, ბრაზილიელი რონალდოს საპატივცემულოდ. ასეთი გოლი მხოლოდ ერთხელ მინახავს, 1996 წელს, როდესაც სერ ბობი რობსონთან ერთად ვმუშაობდი და მაშინ სწორედ რონალდომ საოცარი გოლი გაიტანა“, - თქვა მოურინიომ.
შეგახსენებთ, „ტოტენჰემი“ ბოლო დროს დამაჯერებლად ათამაშდა და 23 ქულით მეექვსე პოზიციაზე აინაცვლა.
Пожалуйста войдите чтобы оставить комментарий Авторизация Или же Регистрация