„ლივერპულის“ მცველის ვირჯილ ვან დეიკის ირონიულ კომენტარს კრიშტიანუ რონალდუს შესახებ დიდი გამოხმაურება მოჰყვა. თავად ჰოლანდიელსაც მოუწია განმარტების გაკეთება და აღნიშნა, რომ ეს მხოლოდ ხუმრობა იყო.
თუმცა, ძნელია ამ სიტყვების დაჯერება. ყოველ შემთხვევაში, ვან დეიკს უკვე ბევრმა უპასუხა და მათ შორის, რონალდუს დამ კატია ავეირომ, რომელმაც სოციალურ ქსელში ვრცელი წერილი გამოაქვეყნა, რომელშიც ჰოლანდიელის მისამართით ირონიის გადმოფრქვევა არ გასჭირვებია.
„ვფიქრობ, რომ არიან ადამიანები, რომლებიც სრულიად იმედგაცრუებულნი ცხოვრობენ, რეალობის მიღმა... არ ახასიათებთ თავმდაბლობა...
რეპორტიორი: „კრიშტიანუ არ იქნება ამ საღამოს ცერემონიაზე. ერთი მეტოქით ნაკლები გყავთ“. ვან დეიკი: „კრიშტიანუ რონალდუ ნამდვილად ჩემი მეტოქეა?“
ეს იყო „ლივერპულის“ ჰოლანდიელი მცველის პასუხი, როდესაც ჰკითხეს პორტუგალიელი ვარსკვლავის ცერემონიაზე არყოფნის შესახებ. ცნობილი იყო, რომ რონალდუ არ მოიგებდა ჯილდოს, მიუხედავად იმისა, რომ მნიშვნელოვანი გუნდური ტიტულები მოიპოვა. მაგრამ ეს სხვა საკითხია, ვნახოთ სად არის სიმართლე ფეხბურთის შესახებ!
ძვირფასო ვირჯილ, სადაც ახლა მიდიხარ, კრიშტიანუ რონალდუ უკვე იყო და თანაც ათასჯერ. შეხედე, ჩემო ძვირფასო ვირჯილ, რომ რონალდუმ სამჯერ მოიპოვა ჩემპიონის ტიტული იმ ქვეყანაში, სადაც ახლა თამაშობ და წლებია ცარიელი ხელები გაქვს, არ მიგიღია რაიმე ჯილდო. კრიშტიანუ რონალდუ ასევე იყო საუკეთესო ფეხბურთელი და საუკეთესო ბომბარდირი იმ ქვეყანაში, სადაც ახლა თამაშობ, ვირჯილ. სხვათა შორის, შენზე ახალგაზრდაც კი იყო მაშინ. მოგვიანებით, ძვირფასო ვირჯილ, კრიშტიანუ რონალდუ სხვაგან წავიდა და პატარა კლუბის ისტორიაში საუკეთესო ფეხბურთელი გახდა, „რეალ მადრიდში“, ეს რამეს გეუბნება ძვირფასო ვირჯილ? ალბათ კი, რადგან ამ კლუბმა კრიშტიანუ რონალდუსთან ერთად ჩემპიონთა ლიგის ფინალში დაგამარცხა. მან მოიგო ხუთი ვირჯილი... იგივე რონალდუ, რომელმაც შენ და შენი თანაგუნდელები დაგამარცხათ კიდევ ერთ ფინალში (ერთა ლიგის ფინალი - რედ). რთულია ვირჯილ? ვწუხვარ. ისევ ძვირფასო ვირჯილ, მისი კარიერის ერთ-ერთ ყველაზე ნაკლებადტიტულოვან პერიოდშიც კი, კრიშტიანუ რონალდუმ შენზე მეტი ტიტული მოიგო. შთამბეჭდავია არა? როდესაც მოიგებ ტიტულებს, რომელთაც ფასი აქვთ, შემდეგ ვისაუბროთ. ამის მერე შეგეძლება კრიშტიანუსთან ერთად მაგიდასთან დაჯდე“, - დაწერა კატიამ.
