ფეხბურთი

17:05 | 3.12.2019 | ნანახია [] - ჯერ

ლიონელ მესი: "როდესაც "ოქროს ბურთებით" რონალდუ დამეწია, მეწყინა"

კატალონიის „ბარსელონას“ შემტევმა ლიონელ მესიმ კარიერაში მეექვსე „ოქროს ბურთი“ მოიგო და კვლავინდებურად დაუბრუნდა სათავეში ეულად ყოფნას. არგენტინელმა კრიშტიანუ რონალდუს გადაასწრო, რომელიც ორი წლის წინ გაუთანაბრდა.

მესიმ აღნიშნა, რომ როდესაც რონალდუ დაეწია, ეწყინა, რადგან პირველ ადგილზე მარტო აღარ იყო.

„მქონდა თუ არა იმედგაცრუება 2015 წლის შემდეგ რომ ვერ ვიგებდი? ვიცი, რატომაც ვერ ვიგებდი. გუნდურ დონეზე ვერ მივაღწიეთ მთავარ მიზანს, კერძოდ ჩემპიონთა ლიგის მოგებას, ეს კი „ოქროს ბურთის“ მოგების ნაკლებ შანსს იძლევა. როდესაც კრიშტიანუ იმარჯვებდა, ჩემპიონთა ლიგაზე შესანიშნავად თამაშობდა და პრიზს იმსახურებდა.

როდესაც მეხუთე „ოქროს ბურთი“ მივიღე, ერთადერთი ვინც ეს მოახერხა. თუმცა, შემდეგ კრიშტიანუ გამითანაბრდა და ცოტათი მეწყინა, რადგან სათავეში მარტო აღარ ვიყავი. მაგრამ ლამაზი იყო წლების განმავლობაში მარტო ყოფნა“, - თქვა მესიმ.

შეგახსენებთ, რომ მესიმ "ოქროს ბურთი" 2009, 2010, 2011, 2012, 2015 და 2019 წლებში, ხოლო რონალდუმ 2008, 2013, 2014, 2016 და 2017 წლებში მოიგო.

0.109889