„ოქროს ბურთის“ 2019 წლის დაჯილდოების ცერემონიას ლეგენდარული დიდიე დროგბა უძღვებოდა, რომელმაც დარბაზის ფონზე კილიან მბაპესთან ფოტო გადაიღო.

კოტ დივუარელმა ფრანგ შემტევს როგორც თავად თქვა, ვალი დაუბრუნა და მეტად საინტერესო ისტორია გაიხსენა.

„10 წლის წინ „ჩელსი“ – „ბარსელონას“ მატჩის შემდეგ ჩემთან ბავშვი მოვიდა და სურათის გადაღება უნდოდა. იმ დღეს უარი ვუთხარი, რადგან მსაჯის გადაწყვეტილებების გამო ძალიან გაბრაზებული ვიყავი. გავიგე, რომ ის ბავშვი კილიან მბაპე იყო და მინდა ახლა ვალი დავუბრუნო“, - თქვა დროგბამ.

შეგახსენებთ, 2009 წლის გაზაფხულზე ჩემპიონთა ლიგის ნახევარფინალში „ჩელსი“ „ბარსელონას“ (1:1) დაუზავდა, ხოლო მსაჯის მიმართ ლონდონელებს არაერთი პრეტენზია ჰქონდათ.