მარიო ბალოტელის „ბრეშას“ ვარჯიში დაატოვებინეს. როგორც Giornale di Brescia იტყობინება, იტალიელ თავდამსხმელს საწვრთნელი პროცესის დროს ერთ-ერთ თანაგუნდელთან შელაპარაკება მოუხდა. შედეგად, მთავარმა მწვრთნელმა ფაბი გროსომ ვარჯიშიდან გააძევა.

„მარიო, წადი, მარიო წადი!“ - მიმართა 2006 წლის მსოფლიო ჩემპიონმა ბალოტელის, რომელმაც თავის მხრივ, ბაზა იქამდე დატოვა, სანამ თანაგუნდელებმა ვარჯიში დაასრულეს.

გროსომ ცოტა ხნის წინ ჩაიბარა „ბრეშა“ და ბალოტელისთან ურთიერთობა ძალიან ცუდად დაიწყო. ამ ფაქტამდე, იყო შეცვლა, „ტორინოსთან“, რასაც მარიოს მხრიდან უარყოფითი რეაქცია მოჰყვა. მოსალოდნელია, რომ ბალოტელი ლომბარდიულ გუნდს ზამთარში დატოვებს.

შეგახსენებთ, 29 წლის ფეხბურთელი „ბრეშას“ ზაფხულში შეუერთდა, მაგრამ დიდად ვერაფრით ეხმარება და მხოლოდ ორი გოლი გაიტანა.