ფეხბურთი

2:51 | 20.11.2019 | ნანახია [] - ჯერ

ერთა ლიგის პლეი-ოფი: ოთხი დივიზიონი, 16 ნაკრები და სანუკვარი ოთხი ბილეთი

ევროპის 2020 წლის შესარჩევი ეტაპის საკვალიფიკაციო ეტაპი დასრულდა და ახლა ჯერი ერთა ლიგის ოთხი დივიზიონის პლეი-ოფებზეა. სწორედ აღნიშნულ პლეი-ოფზეა დამოკიდებული საქართველოს ნაკრების ბედი, რომელსაც უნიკალური შანსი აქვს, რომ ფინალურ ეტაპზე პირველად ითამაშოს.

მთელი საქართველო მოუთმელად ელოდება მარტის თვეს და ეს ბუნებრივიცაა, რადგან ამაზე მარტივი გზა დიდ საფეხბურთო ფორუმზე მოსახვედრად, ძნელია გამოიგონო. მარტივი ერთი შეხედვით და ჩვეულებრივ შესარჩევ ციკლთან შედარებით, თორემ ადვილი არც ამ დივიზიონის მოგება იქნება იმის გამო, რომ საქართველოსი არ იყოს, ევროპის ჩემპიონატზე მოხვედრაზე ჩვენი სამივე კონკურენტი ოცნებობს.

ერთა ლიგის პლეი-ოფში B და D დივიზიონი უკვე დაკომპლექტებულია, მაგრამ ჯერ უცნობია, როგორ შეივსება A და C დივიზიონები. ამის მიზეზი ისაა, რომ ერთა ლიგაზე A დივიზიონის პლეი-ოფში გასულმა ყველა ნაკრებმა მოიპოვა ევროპის ჩემპიონატის საგზური ჩვეულებრივი შესარჩევი ეტაპიდან. აქედან გამომდინარე მათ ადგილებს C დივიზიონის ნაკრებები ბულგარეთი, ისრაელი, უნგრეთი, რუმინეთი შეავსებენ. ხსენებული ოთხი ნაკრებიდან სამი A დივიზიონში მოხვდება, ერთი - C დივიზიონში.

ეს კი, წილისყრის შედეგად, 22 ნოემბერს გაირკვევა. მანამდე, ოთხივე დივიზიონში ასეთი მდგომარეობაა:

A დივიზიონი: ისლანდია (ბულგარეთი/ისრაელი/უნგრეთი/რუმინეთიდან სამი ნაკრები ითამაშებს ისლანდიასთან ერთად A დივიზიონში)

ნახევარფინალი, 26 მარტი

ისლანდია - ?

? - ?

ფინალი, 31 მარტი

B დივიზიონი: ბოსნია, სლოვაკეთი, ირლანდია, ჩრდ. ირლადია

ნახევარფინალი, 26 მარტი

ბოსნია - ჩრდ. ირლანდია

სლოვაკეთი - ირლანდია

ფინალი, 31 მარტი

C დივიზიონი: შოტლანდია, ნორვეგია, სერბეთი (ბულგარეთი/ისრაელი/უნგრეთი/რუმინეთიდან ერთ-ერთი ნაკრები ითამაშებს C დივიზიონში)

ნახევარფინალი, 26 მარტი

შოტლანდია - ?

ნორვეგია - სერბეთი

ფინალი, 31 მარტი

D დივიზიონი: საქართველო, ჩრდ. მაკედონია, კოსოვო, ბელარუსი

ნახევარფინალი, 26 მარტი

საქართველო - ბელარუსი

ჩრდ. მაკედონია - კოსოვო

ფინალი 31 მარტი

აქვე გეტყვით, რომ თითოეული დივიზიონის ფინალის მასპინძელი ქალაქები 22 ნოემბერს, წილისყრის შედეგად გახდება ცნობილი.

0.122204