საფეხბურთო კლუბ „რუსთავის“ ფეხბურთელი ლუკა იმნაძე კარგადაა და მოედანს მალე დაუბრუნდება. ახალგაზრდა მოთამაშე გუნდსა და გულშემატკივრებს მხარდაჭერისთვის მადლობას უხდის.
"პირველ რიგში დიდი მადლობა მინდა გადავუხადო ორივე გუნდის ექიმებს. ასევე ბიჭებს, რადგან იმ კრიტიკულ მომენტში არ დაიბნენ და მალევე გაერკვნენ სიტუაციაში. მადლობა "რუსთავის" ხელმძღვანელობას და მთელ გუნდს გვერდში დგომისთვის.
ასევე დიდი მადლობა მინდა ვუთხრა რუსთაველ გულშემატკივრებს, ყველა იმ ადამიანს, ვინც გულთან მიიტანა ჩემი ამბავი, მამხნევებდა თბილისი სიტყვებით და მოკითხვებით. უფლის წყალობით, თავს უკეთ ვგრძნობ, მალე დავუბრუნდები სტადიონს და გავაგრძელებ საყვარელ საქმეს“, - ციტირებს „რუსთავის“ ვებგვერდი იმნაძის სიტყვებს.
შეგახსენებთ, რომ იმნაძემ ბოლნისის „სიონთან“ უმძიმეს ტრავმა მიიღო და რომ არა მოედანზე მყოფი ფეხბურთელების დროული დახმარება, შესაძლოა ფატალური შედეგიც დამდგარიყო.
