ლონდონის „ჩელსის“ მცველი, რის ჯეიმსი, ყველაზე ახალგაზრდა ფეხბურთელი გახდა კლუბის ისტორიაში, ვისაც ჩემპიონთა ლიგაში გოლი გაუტანია. „აიაქსთან“ მატჩში (4:4) მან 19 წლის და 332 დღის ასაკში ანგარიში გაათანაბრა.

ჯეიმსი „ჩელსის“ აღზრდილია. კლუბის აკადემიაში 2006 წლიდან ირიცხებოდა. თუმცა მთავარ გუნდში თამაში წლეულს დაიწყო. გასულ სეზონში ის იჯარის წესით, „უიგანში“ ირჯებოდა.

ოთხი ტურის შემდეგ, H ჯგუფში, სამმა გუნდმა მოაგროვა 7 ქულა. ფრენკ ლამპარდის გუნდი ბურთების ბალანსის მიხედვით, ცხრილში მეორე ადგილზეა.