საქართველოს 23-წლამდე ნაკრებმა ბერძნულ-რომაულ ჭიდაობაში სამი ვერცხლის მედალი მოიპოვა. ფინალში სამი ქართველი მოჭიდავე გავიდა, მაგრამ სამწუხაროდ უმაღლესი სინჯის მედალს ვერცერთი შესწვდა.
თავიდანვე ვთქვათ, რომ 130 კგ წონით კატეგორიაში ფინალში ასპარეზობა ზვიად პატარიძემ ხელის ტრავმის გამო ვერ შეძლო და შესაბამისად, ავტომატურად მარცხი ჩაეთვალა.
63 კგ წონით კატეგორიაში კი ლევან ქავჟარაძე ირანელ მოწინააღმდეგე დალხანის მთელი შეხვედრა უგებდა, მაგრამ ბოლოს დასანანი მარცხი განიცადა და ვერცლის მედალს დაეუფლა. ასევე ფინალში წააგო 87 კგ წონით კატეგორიაში გურამ ხეცურიანმა და ისიც ვერცხლს დაეუფლა.
აქვე გეტყვით, რომ ხვალ საქართველოს დელეგაციას კიდევ ერთხელ ექნება ოქროს მედლის მოპოვების შანსი, რადგან 97 კგ წონითი კატეგორიის ფინალში გიორგი მელია იჭიდავებს.
