ფეხბურთი

18:45 | 2.11.2019 | ნანახია [] - ჯერ

8 მილიონი ევრო იბრაჰიმოვიჩისთვის

ლოს ანჯელეს „გალაქსის“ თავდამსხმელი ზლატან იბრაჰიმოვიჩი მზადაა ევროპაში დაბრუნდეს. შვედ თავდამსხმელს ამერიკულ გუნდთან კონტრაქტი დეკემბერში ეწურება და თავისუფალი აგენტი გახდება. ზლატანს ასაკის მიუხედავად მსურველები არ აკლია და აქამდე არაერთხელ გუნდთან დააკავშირეს.

Corriere Dello Sport-ის ცნობით, „ბოლონია“ ყველაზე მეტადაა მოწადინებული, რომ 38 წლის შემტევი საკუთარ რიგებში იხილოს. ამისთვის მოკრძალებულ იტალიურ გუნდს 8 მილიონი ევროს მოძიება დასჭირდება, რაც სპონსორებისგან უკვე მოითხოვა.

„როსობლუს“ პრეზიდენტის სურვილია, რომ იბრაჰიმოვიჩს 1.5-წლიანი კონტრაქტი გაუფორმოს, ხოლო მისი ანაზღაურება ამ პერიოდში სწორედ ხსენებული 8 მილიონით განისაზღვრება.

გარდა ამისა, „ბოლონიას“ ზლატანის მეგობარი სინიშა მიხაილოვიჩი წვრთნის და შესაძლოა ამ ფაქტორიც ტრანსფერში მნიშვნელოვანი როლი ითამაშოს. შეგახსენებთ, რომ იბრაჰიმოვიჩი „გალაქსიში“ 2018 წლიდან თამაშობს და 58 შეხვედრაში 53 გოლი გაიტანა.

სტატისტიკა
0.314864