არჩილ ბერიძე „დინამო ბათუმში“ რჩება. აჭარული გუნდის მფლობელმა დღეს პრესკონფერენცია გამართა და განმარტა, რომ საჩხერის „ჩიხურასთან“ მთავარმა მსაჯმა გოგა კიკაჩეიშვილმა შეცდომები მიზანმიმართულად დაუშვა.

გარდა ამისა, მატჩის შემდეგ გულშემატკივრებს შეურახყოფაც მიაყენა. ბერიძე მიიჩნევს, რომ მსაჯმა „დინამოს“ სასარგებლოდ აშკარა პენალტი არ დანიშნა. აჭარული გუნდის მეპატრონე საქართველოს ფეხბურთის ფედერაციას არ ადანაშაულებს და მოხმდარში კონკურენტი გუნდის კვალს ხედავს (თუმცა გუნდი არ დაუსახელებია). ამავდროულად, სფფ-სგან მსაჯის დისკვალიფიკაციას მოითხოვს.

რაც შეეხება გუშინ მის მიერ გავრცელებულ სიტყვებს, რომლის თანახმად გუნდიდან წასვლას აპირებდა, უარყოფს და აღნიშნა, რომ ეს მასსა და ფეისბუქგვერდის ადმინს შორის გაუგებრობა იყო.

„დინამოს“ მფლობელმა დასძინა, რომ გუნდიდან წასვლას არ გეგმავს და პირიქით, წინ კიდევ ბევრი გეგმა აქვს. შეგახსენებთ, "დინამო ბათუმი" "ჩიხურასთან" 0:2 დამარცხდა და საჩემპიონო შანსი შეიმცირა.