კატალონიის „ბარსელონას“ მცველმა ჟერარ პიკემ განაცხადა, რომ ფეხბურთელები მზად იყვნენ საკუთარი ხელფასის ნაწილი დაეთმოთ ნეიმარის დასაბრუნებლად. გარდა ამისა, ესპანელმა 2017 წლის ზაფხული გაიხსენა, როდესაც ბრაზილიელს უთხრა, რომ ოქროს ციხეში ბედნიერი არ იქნებოდა.

„გასულ ზაფხულს პრეზიდენტ ბართომეუსთან ვისაუბრეთ და ბევრმა ფეხბურთელმა მოინდომა თავისი ხელფასი გაეღო ფინანსური სამართლიანი თამაშის წესის დასაცავად. საჭირო იყო გვეპოვნა ფორმულა კლუბისა და მოთამაშის სასარგებლოდ. ხელმძღვანელობამ გვითხრა, რომ ეს კარგი იდეა იყო, მაგრამ შემდეგ სხვა პრობლემები წარმოიშვა და მოლაპარაკებები არ განხორციელდა.

სანამ ნეიმარი „ბარსელონას“ დატოვებდა, ვურჩიეთ, რომ არ წასულიყო. ვუთხარით, რომ ოქროს ციხეში გადავიდოდა, მაგრამ ბედნიერი არ იქნებოდა“, - თქვა პიკემ.

შეგახსენებთ, რომ ნეიმარი „ბარსელონადან“ პსჟ-ში 2017 წელს 222 მილიონი ევროს სანაცვლოდ გადავიდა. ბრაზილიელს გასულ ზაფხულს კატალონიაში დაბრუნება უნდოდა, მაგრამ ტრანსფერი არ შედგა.