ფეხბურთი

4:05 | 30.10.2019 | ნანახია [] - ჯერ

ანტონიო კონტე: "სათქმელი არაფერია, ეს ანომალიაა"

მილანის „ინტერის“ მთავარი მწვრთნელი ანტონიო კონტე უკმაყოფილია და ამბობს, რომ ასეთი მჭიდრო კალენდარი ანომალიაა. იტალიელი სპეციალისტის განცხადებით, მას არ ჰყავს საკმარისი ფეხბურთელები, რომ შემადგენლობაში როტაცია განახორციელოს. კონტემ კომენტარი "ბრეშასთან" (2:1) მატჩის შემდეგ გააკეთა.

„უბრალოდ ძალები უნდა აღვიდგინოთ. 20 დღეში 7 მატჩის ჩატარება გვიწევს, ეს ანომალიაა. არის სხვა გუნდები, რომლებიც 20 დღეში 7-ჯერ თამაშობენ? ეს მართლაც ძალიან უცნაურია.

დღეს რთულია თამაშზე ლაპარაკი. ყოველთვის ერთი და იგივე ფეხბურთელებით გვიწევს თამაში, მაგრამ სამი ქულა ავიღეთ. ეს იყო ცხრა დღეში მეოთხე თამაში უცვლელი შემადგენლობით, რაღაც საოცრება გავაკეთეთ. სათქმელი ცოტაა, მხოლოდ მადლობას გადახდაა საჭირო ამ ბიჭებისთვის. ახლა ძალები უნდა აღვიდგინოთ, რადგან „ბოლონიასთან“ და „დორტმუნდთან“ მატჩები გველოდება“, - თქვა კონტემ.

„ინტერს“ სერია A-ში 10 შეხვედრაში მოპოვებული 25 ქულით პირველი ადგილი უკავია. სამართლიანობისთვის უნდა აღინიშნოს, რომ „ნერაძურის“ იდენტური კალენდარი აქვთ სხვა იტალიურ გუნდებს, რომლებიც პარალელურად ევროტურნირებზე თამაშობენ.

იმასაც გეტვით, რომ რამდენიმე დღის წინ კონტემ მოკლე სათადარიგო სკამზე დაიწუწუნა და ხელმძღვანელობას იანვარში ტრანსფერების გაკეთებისკენ მოუწოდა.

სტატისტიკა
0.232529