მადრიდის „რეალის“ ნახევარმცველმა ედენ აზარმა განაცხადა, რომ საფრანგეთის ნაკრებში თამაშს სთავაზობდნენ, მაგრამ უარი თქვა და ბელგიის ნაკრები აირჩია. გარდა ამისა, აზარმა „სამეფო კლუბში“ ტრანსფერზეც ისაუბრა.
„საფრანგეთის ეროვნული ნაკრები? გარკვეული დროით ვისაუბრეთ ამაზე, განსაკუთრებით მაშინ, როდესაც „ლილში“ დებიუტი მქონდა, მაგრამ მე ბელგიელი ვარ და ამიტომ გადავწყვიტე ბელგიაში მეთამაშა.
„რეალი“? ძალიან ბედნიერი ვარ. ჩემი ოცნება ყოველთვის იყო მსოფლიოს საუკეთესო გუნდში თამაში. გადაწყვეტილება უკვე მსოფლიო ჩემპიონატის შემდეგ მქონდა მიღებული, ჩემს თავს ვუთხარი, რომ „რეალში“ უნდა წავსულიყავი, მაგრამ შემდეგ ამის გაკეთება შეუძლებელი გახდა და „ჩელსიში“ კიდევ ერთი წელი დავრჩი, რამაც ჩემი გაყიდვა კიდევ უფრო გაადვილა. ფლორენტინო პერესთან და ლუკა მოდრიჩთან ვისაუბრე, ყველას უნდოდა „რეალში“ გადავსულიყავი და როგორც იქნა, ახლა აქ ვარ“, - თქვა აზარმა.
