ფეხბურთი

21:57 | 27.10.2019 | ნანახია [] - ჯერ

ფუტსალი: საქართველოს ნაკრები ელიტ-რაუნდში ვერ გავიდა

საქართველოს ფუტსალის ნაკრებმა მსოფლიოს 2020 წლის ჩემპიონატის ელიტ-რაუნდში გასვლა ვერ მოახერხა. ავთანდილ ასათიანის გუნდი მეინ-რაუნდის ბოლო ტურის მატჩი ფინეთთან დამარცხდა და ჯგუფში დაკავებული მესამე ადგილით ასპარეზობა დაასრულა.

არადა, საქართველოს ფინეთთან ფრეც ხელს აძლევდა და საფინალო სასტვენამდე 3 წუთითა და რამდენიმე წამით ადრე 2:2 იყო, მაგრამ დარჩენილ მცირე დროში ფინელებმა სამი უპასუხო გოლი გაგვიტანეს და სასრუველ მიზანს მიაღწიეს.

ასათიანის შეგირდები უკეთ გამოიყურებოდნენ, მეტსაც უტევდნენ, მაგრამ რაც მთავარია, გოლები ფინეთის ნაკრებმა გაიტანა. იკიანენის ზუსტ დარტყმას მალევე არჩილ სებისკვერაძემ უპასუხა, მაგრამ პირველი ტაიმის მიწურულს თოფურიას ავტოგოლი ფინელები ხელმეორედ დაწინაურდნენ. სებისკვერაძემ 27-ე წუთზე დუბლი შეასრულა და კიდევ ერთხელ დააბრუნა საქართველო ელიტ-რაუნდის გზაზე. 36-ე წუთზე კი, სახიფათო ჯარიმის შემდეგ ფინეთი ისევ წინ გავიდა, რასაც მალევე ჩვენს კარში ჯარიმების ლიმიტის გამო დანიშნული პენალტი მოჰყვა, რომელიც მეტოქემ ზუსტად შეასრულა. წერტილი კი, ფინეთის ნაკრების მეკარემ სავოლაინენმა დასვა, რომელმაც ჩვენი გუნდის ცარიელ კარში შეძლო გატანა - 5:2.

შედეგად, ჯგუფიდან ელიტ-რაუნდში ესპანეთი და ფინეთი გავიდნენ, ხოლო საქართველოს ნაკრებმა ასპარეზობა სამი ქულით მესამე პოზიციაზე დაასრულა. ავთანდილ ასათიანის გუნდმა ფინეთამდე პოლონეთს 3:2 აჯობა, ხოლო ესპანეთთან ასეთივე ანგარიშით წააგო.

ფინეთი - საქართველო 5:2 (2:1)

გოლები: 1:0 იკიანენი (9), 1:1 სებისკვერაძე (12), 2:1 თოფურია (19, ა.გ), 2:2 სებისკვერაძე (27), 3:2 ჰოსიო (36), 4:2 აუტიო (39), 5:2 სავოლაინენი (40)

სტატისტიკა - კარისკენ დარტყმები: 34 (16) – 40 (20) კუთხურები: 8:16 გაფრთხილება: 2:4

0.129663