მადრიდის "რეალი" მზადაა "მანჩესტერ იუნაიტედს" პოლ პოგბას სანაცვლოდ გარეტ ბეილი და 90 მილიონი გირვანქა სტერლინგი შესთავაზოს. აღნიშნული ინფორმაცია El Desmarque-მ გაავრცელა. ჯერჯერობით უცნობია თუ როდის მიმართავს წინადადებით ესპანური კლუბი ინგლისურს.

პოგბას და "რეალს" მიმდინარე წლის ზაფხულშიც უკავშირებდნენ და პოლის აგენტი ფეხბურთელის წასვლაზე საუბრობდა, თუმცა ფრანგი საბოლოოდ ინგლისში დარჩა. პგბა "მანჩესტერ იუნაიტედს" 2016 წელს "იუვენტუსიდან" დაუბრუნდა. მიმდინარე სეზონში ფრანგმა ექვს შეხვედრაში თავი ორი საგოლე გადაცემით გამოიჩინა.