ჭადრაკი

19:07 | 23.10.2019 | ნანახია [] - ჯერ

საჭადრაკო ოლიმპიადას, ხანტი-მანსიისკის ნაცვლად, სოჭი უმასპინძლებს?

ჯერ კიდევ 2016 წელს, ჭადრაკის საერთაშორისო ფედერაციის (ფიდე) კონგრესზე, მიიღეს გადაწყვეტილება, რომ 2020 წლის საჭადრაკო ოლიმპიადა რუსეთის ქალაქ ხანტი-მანსიისკში უნდა ჩატარებულიყო. ბოლო პერიოდში, უფრო და უფრო ხშირად ვრცელდება ინფორმაცია, რომ ამ მნიშვნელოვან ღონისძიებას სოჭი უმასპინძლებს. როგორც CHESS-NEWS.Ru სარწმუნო წყაროებზე დაყრდნობით, იუწყება, რომ ამის შესახებ გადაწყვეტილება უკვე მიღებულია და უახლოეს ხანში ფიდეს ხელმძღვანელობა ოფიციალურად დაადასტურებს კიდეც.

ოლიმპიადის სოჭში გადატანის იდეის მიზეზი მარტივია: ხანტი-მანსიისკი მზად არ არის სამასპინძლოდ.გეგმის მიხედვით, მდინარე ირტიშის ნაპირას უნდა გაშენებულიყო ოლიმპიური სოფელი, რომელიც ორი კომპლექსი უნდა შესულიყო თავისი კვების ობიექტებიანად და საცხოვრებელი კორპუსებიანად. პროექტი 10 მილიარდ რუბლად იყო შეფასებული.
ოლიმპიური სოფლის მშენებლობაზე პასუხისმგებელ პირთა ხშირი შეცვლისა და ბიზნეს-გარჩევების გამო, საქმე იწელება. ხანტი-მანსიისკის ფიზკულტურისა და სპორტის დეპარტამენტის დირექტორი სერგეი არტამონოვი კი ირქმუნება, რომ ოლიმპიადისათვის ყველაფერი მზად იქნება.

გარდა ამისა, ფიდეს ხელმძღვანელობამ კარგად უწყის, თუ რამდენად ბევრი ვიზიტორი ჰყავდა 2018 წელს ბათუმის ოლიმპიადას, რომელიც მაღალ დონეზე იყო ორგანიზებული. სწორედ აქედან გამომდინარე, დაიწყეს საუბრები კულუარებში ღონისძიების სოჭში გადატანასთან დაკავშირებით.

ასეა თუ ისე, დღევანდელი მდგომარებით, ხანტი-მანსიისკში, ოლიმპიური სოფლის მოწყობის საქმე რთულადაა. დაველოდოთ მოვლენების განვითარებას.

0.154163