მიხეილ მესხის სახელობის სტადიონზე 19-წლამდელთა ევროპის ჩემპიონატის შესარჩევი მატჩი მიმდინარეობს, საქართველოს ნაკრები უელსელ თანატოლებს მასპინძლობს. როგორც მოსალოდნელი იყო, ქართველები დიდ უპირატესობას ფლობენ და მეტოქეს 3:0 ამარცხებენ. პირველი გოლი 22-ე წუთზე გიორგი პაპუნაშვილმა გაიტანა, 4 წუთში დავით ჯიქიამ გააორა, ტაიმის მიწურულს კი ალექსანდრე გურეშიძემ ეფექტური თავურით ანგარიში 3:0 გახადა. მანამდე იმავე ჯიქიამ ძელსაც მოარტყა ბურთი.