ფეხბურთი

19:05 | 14.10.2019 | ნანახია [] - ჯერ

"იუვენტუსი" ზამთარში ერიკსენის შეძენას აპირებს

ტურინის „იუვენტუსი“ კრისტიან ერიკსენის გადაბირებას ზამთრის სატრანსფერო პერიოდში აპირებს. Le10Sport-ს ინფორმაციით, ტურინელებმა გეგმაც შეიმუშავეს, რომლის მიხედვითაც დანილის ხელში ჩასაგდებად იმოქმედებს.

„იუვენტუსი“ მზადაა „ტოტენჰემს“ კრისტიანის სანაცვლოდ ფული და დამატებით ადრიენ რაბიო შესთავაზოს. უკვე გადაწყვეტილია, რომ ერიკსენი „ტოტენჰემს“ დატოვებს, მაგრამ გასარკვევია როდის მოხდება ეს - ზამთარში თუ ზაფხულში.

სკანდინავიელს ინგლისურ გუნდთან კონტრაქტი 2020 წლის 30 ივნისს ეწურება და დიდი შანსია თავისუფალი აგენტის სტატუსით წავიდეს. აქედან გამომდინარე „მამლები“ პრაქტიკულად იძულებულნი არიან, რომ იანვარში საბაზრო ღირებულებაზე ნაკლებს ფასში შეელიონ.

თავის მხრივ, რაბიო „იუვეს“ თავისუფალი აგენტის სტატუსით ზაფხულში შეუერთდა, მაგრამ ჯერჯერობით ძირითად შემადგენლობაში ფეხი ვერ მოიკიდა. აღსანიშნავია,რომ არც ისაა გამორიცხული ერიკსენი იტალიის ჩემპიონს ზაფხულში შეუერთდეს, ოღონდ მის სანაცვლოდ „ტოტენჰემი“ ფინანსურ მოგებას ვერ ნახავს.

0.102085