ფეხბურთი

10:49 | 10.10.2019 | ნანახია [] - ჯერ

„ფენერბაჰჩე“ „არსენალს“ იოზილს სთხოვს

„ფენერბაჰჩე“ ზამთრის სატრანსფერო ფანჯრისას, „არსენალისგან“ მესუთ იოზილის იჯარით აყვანას შეეცდება. კლუბებს შორის მოლაპარაკება უკვე დაწყებულია - გვამცნობს Takvim.

იოზილი პრემიერლიგის ბოლო სამ მატჩში „მეთოფეთა“ განაცხადში ვერ მოხვდა, რამაც მისი გუნდიდან შესაძლო წასვლის შესახებ ჭორები გააძლიერა. 30 წლის იოზილმა მიმდინარე პრემიერლიგის მხოლოდ ერთ მატჩში მიიღო მონაწილეობა. მის მაგიერ კლუბის მთავარი მწვრთნელი, უნაი ემერი სათამაშო დროს დანი სებალიოსსა და ჯო უილოკს აძლევს.

ბრიტანული ტაბლოიდები წერენ, რომ „არსენალს“ არა მხოლოდ იოზილის იჯარით გაშვება სურს, არამედ მზდაა ხელფასის ნაწილიც გადაუხადოს.

იოზილი „არსენალში“ 2013 წელს გადავიდა. მის კონტრაქტს „მეთოფეებთან“ ვადა 2021 წლის ზაფხულში ეწურება.

0.114751