ესპანეთის ლიგა ენდესას მეორე ტურში კვლავ მარცხი განიცადა ბექა ბურჯანაძის „გრან კანარიამ“, რომელიც „ესტუდიანტესთან“ კარგა ხანი იგებდა, მაგრამ ბოლოსკენ უპირატესობა გაანიავა და 82:78 წააგო.

როგორც პირველ ტურში, ახლაც ქართველმა ლეგიონერმა ოდენ 3 ქულა შესძინა საკუთარ გუნდს.

ბურჯანაძემ 16 წუთში 3 ქულა, 1 პასი და 1 ჩაჭრა დააგროვა. 2-დან 1 ორქულიანი, 4-დან 1 საჯარიმო ჩააგდო და ორჯერ სამქულიანი არაზუსტად ისროლა.

„გრან კანარიას“ ორი წაგება აქვს და სეზონის მესამე შეხვედრას სტუმრად „მანრესას“ წინააღმდეგ ჩაატარებს.