კრისტალბეთ ეროვნული ლიგის 29-ე ტურში თბილისის "დინამომ" "სიონს" "დინამო არენაზე" უმასპინძლა და ფრედ 1:1 ითამაშა. მასპინძელთაგან გოლი 32-ე წუთზე გიორგი კუხიანიძემ გაიტანა, ხოლო სტუმრებმა ლევან ხმალაძის მიერ შეხვედრის კომპენსირებულ დროში გატანილი გოლით გაათანაბრეს ანგარიში.

"დინამომ" ერთი ქულა მოიპოვა და ახლა უკვე ბათუმის "დინამოსთან" ერთად 58-58 ქულით პირველ-მეორე ადგილებს იყოფს. მომდევნო შეხვედრას თბილისური გუნდი 2 ოქტომბერს შინ "საბურთალოსთან" გამართავს, ხოლო "სიონი" 5 ოქტომბერს "დილას" უმასპინძლებს. ბოლნისელები ბოლოსწინა ადგილზე 31 ქულით არიან.