ბულგარეთის ქალაქ პლოვდივში მიმდინარე მსოფლიო თასზე (სატელიტი) ხმლით მოასპარეზე ქალთა შორის ლიკა ჯიჯეიშვილმა პირველი ადგილი დაიკავა.

ლიკამ შეჯიბრზე ყველა შეხვედრა დამაჯერებლად მოიგოო. ჯგუფურ ეტაპზე ექვსი, პლეი-ოფში კი ხუთი:

პირველ შეხვედრაში ქართველმა აზერბაიკჯანელი აისელ აჰადოვა 15:9 დაამარცხა, მეთექვსმეტედფინალში კი მოლდოველ ნატალია ბუგაევსკს 15:6 აჯობა. მერვედფინალში ჩვენებურმა არგენტინელ მარია პერეს მორისს 15:9 სძლია, ნახევარფინალში თურქი ირინა შჩულკას ასევე 15:9 მოუგო. ფინალში კი აზერბაიჯანელი ანა ბაშტა 15:12 დაამარცხა და ოქროს მედალს დაეუფლა.

აღნიშნული გამარჯვებით ლიკა FIE-ს რეიტინგში 11 პოზიციით დაწინაურდა და 23.00 ქულით, 68-ე ადგილზეა, 23.25 ქულა აქვს და 67-ე ადგილზეა თეოდორა კახიანი.