ფეხბურთი

0:38 | 22.09.2019 | ნანახია [] - ჯერ

შოთა არველაძე უზბეკეთის ჩემპიონია

ტაშკენტის „ფახთაქორი“, რომელსაც შოთა არველაძე წვრთნის, უზბეკეთის ჩემპიონი გახდა. ადგილობრივი ჩემპიონატის დასრულებამდე 6 ტურით ადრე დედაქალაქურმა გუნდმა ჩემპიონის ტიტული ოფიციალურად გაიფორმა.

„ფახთაქორმა“ მე-20 ტურში „მეტალურგი“ 2:1 დაამარცხა და კონკურენტებისთვის მიუწვდომელი გახდა.

ტაშკენტელები მეორე ადგილზე მყოფ „ლოკომოტივს“ 19 ქულით უსწრებს, რაც ბუნებრივია 6 ტურში აღმოუფხვრელი სხვაობაა.

„უზბეკეთის ჩემპიონი - „ფახთაქორი“. ძალიან ბედნიერი ვარ პირველი ტიტულების მოგებით „ფახთაქორში“. მადლობა ჩემს ფეხბურთელებს, სტაფს, კლუბს და გულშემატკივრებს. ამაყი თქვენი ძალისხმევით“, - დაწერა ინსტაგრამში ქართველმა მწვრთნელმა.

შეგახსენებთ, არველაძემ „ფახთაქორი“ 2017 წელს ჩაიბარა და უზბეკეთის ჩემპიონის ტიტული პირველად მოიგო. ტაშკენტელებისთვის კი მე-12 ჩემპიონობაა.

0.120515