ყაზახეთის დედაქალაქ ნურსულთანში მიმდინარე მსოფლიო ჩემპიონატზე ბერძნულ-რომაულ სტილით მოჭიდავეთა შემდეგ ასპარეზი თავისუფალი სტილით ჭიდაობას დაეთმო, სადაც წარუმატებელი გამოდგა საქართველოსთვის პირველი დღეს.

57 კგ წონით კატეგორიაში პირველივე შეხვედრაში დამარცხდა ოთარ გოგავა, რომელიც 1/16 ფინალში სომეხ არსენ ჰარუთინიანს ვერ გაუმკლავდა - 4:9. თავის მხრივ, სომეხი მომდევნო შეხვედრაშივე ინდოელ კუმარ რავისთან დამარცხდა დაშესაბამისად, გოგავას რეპეშაჟში გადანაცვლების შანსი დაეკარგა.

65 კგ წონით კატეგორიაში კვალიფიკაციაში წარმატებით ჩაერთო ვლადიმერ ხინჩეგაშვილი, რომელმაც სამხრეეთ კორეელ ჯუნსიკ იუნს აჯობა 4:0, მაგრამ 1/16 ფინალში უნგრეთის სახელით მოასპარეზე რუს ისმაილ მუსუკაევთან 1:5 წააგო და ასპარეზობას ნაადრევად გამოეთიშა. მუსუკაევმა მეოთხედფინალში გასვლა შეძლო და თუ ფინალამდეც მიაღწევს, ხინჩეგაშვილს ბრინჯაოს მედლისთვის ბრძოლის შანსი გაუჩნდება, თუმცა ეს დღის ბოლოს გახდება ცნობილი.