ჩოგბურთი

14:03 | 16.09.2019 | ნანახია [] - ჯერ

ATP Cup - საქართველოს ორი მეტოქე ცნობილია

2020 წლის იანვარში ახალი საჩოგბურთო ტურნირი ATP Cup დაიწყება, რომელიც ავსტრალიის სამ ქალაქში ბრიზბენში, პერსსა და სიდნეიში გაიმართება.

დღეს ტურნირის წილისყრა გაიმართა, საქართველოს მეტოქე ესპანეთი და იაპოანია ინქება, ხოლო ჯგუფის მეოთხე წევრი მოგვიანებით გაირკვევა.

საქართველოს ტურნირზე ასპარეზობა ნიკოლოზ ბასილაშვილის დასმახურებაა, რომელიც მსოფლიო რეიტინგში მე-17 ადგილზეა, ნიკასთან ერთად ტურნირზე ალექსანდრე მეტრეველი იასპარეზებს. ესპანეთის ნაკრებს რაფაელ ნადალი და რობერტო ბაუტისტა-აგუტი წარადგენენ. იაპონიას - კეი ნიშიკორი და მსოფლიო რეიტინგის 58-ე ნომერი იოშიჰიტა ნიშიოკა.

ჯგუფში ორი ინდივიდუალური მატჩი და ერთიც წყვილებს შორის დაპირისპირება გაიმართება. შემდეგ ეტაპზე პირველადგილოსნები და ორი საუკეთესო მეორეადგილოსანი გავლენ და ტურნირი მეოთხედფინალური ეტაპიდან გაგრძელდება. ფინალური ეტაპი სიდნეიში გაიმართება. ტურნირის საპრიზო ფონდი 22 მილიონი ამერიკული დოლარი იქნება.

0.14986