კატალონიის „ბარსელონას“ თავდამსხმელი ლიონელ მესი მზადაა, რომ კრიშტიანუ რონალდუსთან ერთად ივახშმოს. არგენტინელი ფეხბურთელის განცხადებით, კრიშტიანუსთან პრობლემები არ აქვს.
„რონალდუსთან ერთად სიამოვნებით ვივახშმებ, მასთან არანაირი პრობლემა არ მაქვს. ჩვენ ყოველთვის ვხვდებოდით ერთმანეთს დაჯილდოების ცერემონიებზე, თუმცა ეს ხშირად არხდებოდა და არც თანაგუნდელები ვყოფილვართ. არ ვიცი ვახშამი შედგება თუ არა, რადგან ყველას თავისი ცხოვრება აქვს, მაგრამ მე პრობლემას ვერ ვხედავ.
ოქროს ბურთი? თავს ფავორიტად არ ვგრძნობ, გუნდის წარმატება შედეგზე გავლენას ახდენს, ჩემთვის ცუდი სეზონი იყო, რადგან ფიზიკური პრობლემები მქონდა და მხოლოდ ლა ლიგის მოგება მოვახერხეთ“, - თქვა მესიმ.
