„ბაიერნის“ ახალწვეულმა, ბრაზილიელმა კოუტინიომ, ჟურნალისტებს „ლივერპულის“ მთავარი მწვრთნელის, იურგენ კლოპის რეაქციაზე უამბო, როცა მან ყოფილი შეგირდის გერმანულ კლუბში გადასვლის ამბავი შეიტყო.

„კლოპმა გზავნილი მომწერა და წარმატება მისურვა. მან მითხრა, რომ „ბაიერნი“ დიდი კლუბია, ხოლო ბუნდესლიგა ჩინებული ტურნირი. ასევე მითხრა, რომ ბედნიერია ჩემი გერმანიაში გადასვლით.“ - უთხრა კოუტინიომ Sport Bild-ს.

შეგახსენებთ, რომ კოუტინიო „ლივერპულში,“ 2015-18 წლებში კლოპის ხელმძღვანელობით ირჯებოდა. ამჟამად ის ისევ „ბარსელონას“ საკუთრებაა და ერთწლიანი იჯარით გადავიდა „ბაიერნში.“