ჩინეთში მიმდინარე საკალათბურთო მსოფლიო ჩემპიონატზე, საბერძნეთის ეროვნულ გუნდთან მატჩის წინ, ახალი ზელანდიის ნაკრების მოთამაშეებმა ტრადიციული ცეკვა, ჰაკა შეასრულეს, თუმცა ამან ისინი მარცხისგან ვერ იხსნა - 97:103.
ამ გამარჯვების შემდეგ ბერძნები ტურნირის შემდგომ ეტაპზე გავიდნენ. ახალზელანდიელები კი ჯგუფში ჩარჩნენ. მეორე ეტაპზე ბერძნები ჩეხეთის და აშშ-ის ნაკრებებთან ერთად ითამაშებენ. ჩეხების მსგავსად, მეორე ჯგუფურ ეტაპს ბერძნებიც ნულოვანი მაჩვენებლით დაიწყებენ გამარჯვებების გრაფაში. წინასწარ ეტაპზე მათ ბრაზილიელებთან წააგეს, რომლებიც ასევე შეხვდებიან აშშ-ის და ჩეხეთის ნაკრებებს.
